Alalá 002: TREIXADURA
O “muíño vello” de Delio, en Redondela, é o lugar onde comezaron a ensaiar os Treixadura. ¡Aquí podían tocar ata cansarse, sen medo a molestar ós veciños!...E como ademais é unha taberna, “mollaban a palleta” cun pouquiño de viño Treixadura...¡que tanta inspiración lles deu! ¡ata o nome!...E tamén aquí fixeron o primeiro concerto...só para amigos con dereito a opinar.
E debeulles saír ben, porque moitos destes amigos con que compartían os típicos cantares de tasca, forman parte do Orfeón que hoxe acompaña ó grupo...¡e as cancións da taberna convertéronse en parte do repertorio e dos discos! Así pois, a receita destes gaiteiros formidables componse de: amor incondicional pola música, amigos, voces ben afinadas cunha pingas de licor café ...e noites e noites de muíñada!
| Genero: | Alalá TVG |
| Fecha: | 21/02/2006 |
| Discografica: | TVG |
| |