Banda Crebinsky - Festigal

No ano 2009 un grupo de talentosos músicos xúntanse para crear a banda sonora da película “Crebinsky”. A partires do éxito da cinta, a Banda Crebinsky estivo 2 anos xirando por Galicia, España e Europa co proxecto “Universo Crebinsky”, no que se proxectaba a premiada película e a banda interpretaba a Banda Sonora en directo. Este verán o grupo lanza o seu segundo traballo, “Jet Lag”, no que se mesturan influencias da música galega, balcánica, rusa, francesa ou italiana. A Banda Crebinsky defínese como unha “pequena orquestra popular xurdida dun universo imaxinario”. Na Banda únense músicos chegados do folk, o jazz, o rock e a música clásica ou experimental. Elementos perfectos para unha mestura única.